Ambilobe

Nilahatra tamim-pilaminana ny mpomba ny Mpanjaka Tsimiaro III

Araka ny taratasy nalefan’ny Minisitry ny Atitany tamin’ny Lehiben’ny Faritra omaly, dia tokony hatsahatra ny fanaovana ny “tsangantsaina” ao Ambilobe. Rehefa tonga tany Ambilobe ny Lehiben’ny Faritra Bezara Romuald omaly dia sadaikatra noho ny fahitana ny fahamaroan’olona nitondra ny hazo manjaka na ilay antsoina hoe “marbre sacré”. Tokony ho tamin’ny folo ora antoandro no niainga avy tao Ampasibe Mahavavy ny hazo manjaka, namakivaky ny tanànan’Ambilobe. Tamim-pilaminana tanteraka izany ary tsy nisy mpanakana. Nanao fifampiraharahana tany amin’ny Mpanjaka Issa Tsimiaro III, tany Ambatoharagnana ihany anefa ny Lehiben’ny Distrika amin’ny hanajanonana ny "tsangan-tsaina". Nanaiky ny Mpanjaka saingy tsy mahazo miditra ao amin’ny zomba mihitsy i Lamboeny III. Tsy mahatapaka kosa anefa ity farany fa tsy maintsy miera amin’ny vahoakany. Ny vahoaka anefa tsy hanaiky izany. Araka ny vaovao miely etsy sy eroa, dia nisy niditra an-tsehatra amin’ny fanohanana ny Mpanjaka Issa Tsimiaro III ny mpitondra ambony vao najoro ao amin’ny rafitra Tetezamita.
Mandeha irery izao ny Minisitra ary nihemotra mihitsy rehefa naheno fa misy ray aman-dreny ao ambadika mankasitraka ny Mpanjaka Issa Tsimiaro III. Ny amin’ny fotoana hananganana ny saina izao no fahasahiranana farany.

V.JCL

Lire aussi

Maroantsetra : Noboriana ny sofin’ilay mpanao sinto-mahery
Antanandrano-Ambohitrarahaba : Folo lahy mitam-basy nanafika mpivaro-kena « grossite »
Loza tany Antsampanana : Olona roa namoy ny ainy
Printsy Rasidy : Mangataka ny hitsarana ireo namono ny rainy
Hain-trano tany Toamasina : Mitentina 14.000 Dôlara ny fahasimbana