- Publicité -
mercredi 7 décembre 2022
- Publicité -
DomicileFaits-DiversAmbodivona : « Mécanicien » telo nosamborina

Ambodivona : « Mécanicien » telo nosamborina

Nametraka fitoriana teny anivon’ny mpitandro ny filaminana ny tompon’ilay fiara izay nirehitra tetsy Ambodivona ka simba tanteraka. Nosamborina ireo mpanao “échappement” telo lahy vokatr’izany ary natao fanadihadiana teny amin’ny biraon’ny polisy. Hatreto mantsy dia ny tsy fitandreman’ireo mpanamboatra fiara ireo no anton’ny nahatonga ny loza. Akain’ny fitoeran-dasantsy mantsy no misy ilay notohizana tamin’ny “soudure”. Niitatra nankany ny tselatr’afo ka nahatonga ny firehetana izay vetivety foana dia naha-kila ny fiara, marika Peugeot 304. Mahay ary tena mahay ny mpanao asa tanana Malagasy. Betsaka ny olona no tena variana amin’ny fahaizan’ireo manamboatra ireny “pieces” tsy misy raha tsy afarana ireny. Saingy ny indro kely dia eo amin’ny famaranana ny asa hatrany. Matetika fa fanahy iniana tsy atao harifomba tsara ilay fanamboarana mba hiverenan’ny tompon’ny fiara tsy ho ela indray. Dia amin’izay miverimberina ihany koa ny fanateram-bola ka tsy tapaka mihitsy ny asa. Eo avokoa matetika no mampimenomenana ny olona amin’ny raha ny momba ny fanamboarana fiara. Tsy afa-manoatra anefa satria raha miala amin’ireny dia volabe avy hatrany no alain’ny garage mba tsaratsara. Vokany, lasa vitavita tsy amin’ny araky ny tokony ho izy ny fiara maro eto an-drenivohitra. Betsaka ny manary an-dàlana ka miteraka fitohanan ‘ny fifamoivoizana. Ao ihany koa ny mirehitra sy miteraka lozam-pifamoivoizana mihitsy. Ho an’ity tranga tetsy Ambodivona ity aza moa, vao teo am-panaboarana dia efa rotiky ny afo…

D.R

Suivez nous
311,259FansAimer
1,754AbonnéesSuivre
Articles qui pourraient vous intéresser