- Publicité -
jeudi 1 décembre 2022
DomicileFaits-DiversAntsirabe - Fetin’ny faran’ny taona : Nilamina ny mpiandry raharaha tao amin’ny...

Antsirabe – Fetin’ny faran’ny taona : Nilamina ny mpiandry raharaha tao amin’ny hopitaly

Nilamina amin’ny ankapobeny ny fankalazana ny fetin’ny faran’ny taona sy ny krismasy raha ny teto Antsirabe. Tsy toy mpitranga matetika rehefa andro fety ny zava-niseho raha ny tatitra azo tamin’ireo toeram-pitsaboana nandalovana. Saika nihena avokoa  ireo tranga  mateti-piseho raha ny fanazavana. Olona telo no niditra hopitaly tao amin’ny hopitaly Andranomadio ny 31 desambra 2013 ka ny roa no fantatra fa mamo sy nianjera tamin’ny bisikileta. Olona iray kosa no voatsindrona antsy tao amin’ny lamosiny fa niady.  Nahatratra dimy kosa ny niditra hopitaly ny 1 janoary 2014, telo naratra vokatry ny lozam-pifamoivoizana tamina bisikileta sy fiara. Dimy ihany koa no niditra hopitaly tao amin’ny hopitaly Atsimo CHRR ny 31 desambra 2013, telo vokatry ny fihinanana sakafo tsy ara- pahasalamana, ka ny iray no tena voa mafy noho ny fahataran’ny fitondrana azy tany amin’ny toeram-pitsaboana. Roa  naiditra hopitaly ny taom-baovao, olona iray hafa naratra vokatry ny ady. Miisa efatra no naratra, vokatry ny lozam-pifamoivoizana hatrany, tao amin’ny hopitaly Atsimo ka vehivavy ny iray. Iray monja tamin’ity taom-baovao ity no tsy nahatsiaro tena vokatry ny fisotroana be loatra teto Antsirabe, avotra soa aman-tsara anefa ny ainy rehefa nahazo ny fisaboana sahaza azy.

Andry N.

- Publicité -
Suivez nous
311,259FansAimer
1,754AbonnéesSuivre
Articles qui pourraient vous intéresser