- Publicité -
jeudi, mai 26, 2022
DomicileFaits-DiversAmbohimanarina : Mpivarotra notafihana tamin’ny kalach

Ambohimanarina : Mpivarotra notafihana tamin’ny kalach

Tokony ho tamin’ny roa ora maraina no tonga ireo olon-dratsy izay miisa folo, raha araka ny fanazavan’ny mpitandro ny filaminana. Mitondra kalach izy ireo raha ny fijerin’ny voatafika indray. Mpivarotra iray tao an-toerana no lasibatra. Nopoirin’ireo jiolahy ny varavarana dia niditra tao anatiny izy ireo. Tsikaritry ny tompon-trano anefa izany ka nahatonga azy ireo nampandre ny manodidina tamin’ny alàlan’ny kiririoka. Tsy nisy azon’ireo olon-dratsy, ankoatra ny vola hitany nipetrapetraka tao an-trano, mitentina efatra alina izany raha araka ny fanazavana hatrany. Ny tsikaritra dia manomboka miverina indray izany ny fanafihana mitam-piadiana tamin’ity herinandro ity raha somary mba nangingina izany teo aloha kely teo. Asa, miha-manakaiky indray ny fety, na dia fetin’ny mpifankatia aza, hany ka mitady vola koa ny…jiolahy.

D.R

- Publicité -
- Publicité -
Suivez nous
241,227FansAimer
1,007AbonnéesSuivre
Articles qui pourraient vous intéresser