- Publicité -
dimanche, mai 22, 2022
DomicileFaits-DiversMahabo : Lehilahy iray nalaina an-keriny, nandoa omby 20 sy vola dimy...

Mahabo : Lehilahy iray nalaina an-keriny, nandoa omby 20 sy vola dimy hetsy Ariary ny havany

Raim-pianakaviana iray monina ao Manjarano Kaominina Malaimbady, Distrikan’i Mahabo no nalain’ny dahalo mitam-basy an-keriny tao an-tranony, ary nentin’ireo malaso amboletra nanaraka azy ireo avy hatrany, ny alahady antoandro 10 aprily lasa teo. Tsy afa-nanohitra ity rangahy ity sy ny havany, nanoloana ny vavam-basy. Roa andro taorian’io,  dia nandefa taratasy fandrahonana tamin’ ny fianakavian’ity lehilahy nalaina an-keriny ireo dahalo, ary nilaza fa hovonoin’izy ireo ity raim-pianakaviana raha tsy manome omby vositra  20 sy lelavola dimy hetsy Ariary ny havany.

Ny alakamisy 14 aprily teo no fe-potoana farany nandoavana ireo antoka. Natao io andro io tamin’ny 11 ora ny fifanakalozana tamina toera-mangina somary mihataka ny tanàna. Navosotr’ireo olon-dratsy ilay rangahy rehefa azon’izy ireo ny rembiny. Taorian’io, dia nampandre haingana ny mpitandro filaminana sy ny kaleony tao an-tanàna ny niharam-boina. Raikitra avy hatrany ny fanarahan-dia, ka raha vao tazan’ireo malaso lavitra fotsiny ireo mpanara-dia tonga dia navelan’ireo olon-dratsy avokoa ny omby rehetra. Mbola mitohy ny fikarohana an’ireo dahalo, hoy ny vaovao.

Eric Manitrisa

- Publicité -
- Publicité -
Suivez nous
241,227FansAimer
1,007AbonnéesSuivre
Articles qui pourraient vous intéresser

LAISSER UNE RÉPONSE

Veuillez saisir votre commentaire !
Veuillez entrer votre nom ici