Ramatoa lehibe iray no nosamborin’ny pôlisy miady amin’ny fidorohana zava-mahadomelina ny alahady lasa teo teny Manankambahiny. Araka ny fantatra dia nahatratrarana bidao fito, feno toaka gasy tao amin’ny toeram-pivarotana hani-masaka notazominy. Izany hoe mahatratra eo amin’ny 140 litatra teo ho eo. Vaovao avy amin’ny olona no nahafahan’ireo pôlisy nidina teny an-toerana sy nisava ny toeram-pivarotan’ity ramatoa ity. Raha ny fanadihadiana natao azy dia fantatra fa sady mivarotra toaka gasy izy no manao ity asana fivarotana hanimasaka ity. Mahalany toaka gasy dimy litatra isan’andro ity ramatoa ity amin’izany ary teo amin’ny efa-bolana teo izay no nanaovany ilay asa. Omaly no natolotra ny Fampanoavana ity ramatoa mpivarotra toaka tsy ara-dalàna ity.
nangonin’i m.L