- Publicité -
vendredi 1 juillet 2022
- Publicité -
DomicileFaits-DiversToliara : Ramatoa tratram-badiny nampirafy azy, matim-bono

Toliara : Ramatoa tratram-badiny nampirafy azy, matim-bono

Tranga nahavalalanina ny maro no niseho, omaly misandratra andro tokony ho tamin’ny 10 ora teo, tamin’ny lalana mihazo Amoron-driaka iny, tao amin’ny Fokontany Tsimenatse III Toliara. Renim-pianakaviana iray manodidina ny 30 taona eo, izay voalaza fa tratram-badiny nampirafy azy no matim-bono. Raha araka ny nambaran’ireo nanatri-maso ny zava-nitranga, dia hitan-drangahy tompom-bady nifampisakambina nisera fitia tamina lehilahy iray teny ambony posy nandehanany ramatoa vadiny. Ity farany moa izay voalaza fa handeha hiantsena ao Bazaribe tamin’io fotoana io. Tezitra mafy ity raim-pianakaviana ity ka nenjehiny ilay posy, ary rehefa tratrany dia nodarodarohany tsy nananany antra avy hatrany teo imasom-bahoaka ity andefomandriny, ka nivoa-drà an-korona sy nividana tarehy. Raha vao nahita ny zava-miseho ilay lehilahy voatondro fa sakaizan-dramatoa niaraka posy taminy, tonga dia nitsoaka avy hatrany, raha ny voalazan’ireo olona nanatri-maso hatrany.

Eric Manitrisa

- Publicité -
Suivez nous
241,227FansAimer
1,007AbonnéesSuivre
Articles qui pourraient vous intéresser

2 COMMENTAIRES

LAISSER UNE RÉPONSE

Veuillez saisir votre commentaire !
Veuillez entrer votre nom ici