- Publicité -
MG
mardi 16 août 2022
- Publicité -
DomicileFaits-DiversNodonin’ny moto : Olona roa miady amin’ny fahafatesana

Nodonin’ny moto : Olona roa miady amin’ny fahafatesana

Lozam-pifamoivoizana roa samy hafa no nitranga, saingy mitovy tanteraka ny fisehony. Ny iray lehilahy avy namonjy karaoké teny Ivato ka hihazo ny Renivohitra no nandona rangahy 52 taona. Torana tsy nahatsiaro tena io ary hatramin’izao, dia mbola miady amin’ny fahafatesana. Omaly rahateo vao natao ny fitsirihana izay mety ho fahavoazany tany amin’ny loha ary mbola handrasana ny valin’izany alohan’ny handraisan’ny mpitsabo fanapahan-kevitra. Raha ny heno tamin’ny fianakaviany, dia mamo ilay olona nitondra kodiaran-droa. Ny faharoa indray dia teny Fenoarivo no nitranga. Noho ny fitohanana lavareny, dia nisongona avy an-kavanana ilay moto. Kinanjo nandona olona izay efa nahazo taona. Rangahy iray 74 taona indray teto no torana avy hatrany ary tsy nahatsiaro tena hatramin’izao. Nentina haingana tao amin’ny hopitalin’i Fenoarivo izy mba ho fanavotana ny ainy ary notaterina niakatra taty an-dRenivohitra nony avy teo. Isan’ny sakana izay mahataraiky ny fitsaboana ireo olona niharan’ny lozam-pifamoivoizana ny tsy fisian’ny  « scanner »  na fitaovana fitsirihana any amin’ny hopitalim-panjakana, indrindra raha hitsirika ny any amin’ny faritra saro-pady toa ny loha. Voatery tsy maintsy mandeha any amin’ny toeram-pitsaboana tsy miankina izay mbola azo isaina amin’ny rantsan-tànana koa ny manana ny fitaovana. Etsy andanin’izany, matetika dia olona mandeha moto hatrany no maratra rehefa misy ny lozam-pifamoivoizana an-dalam-be. Ity kosa dia tranga mitovy ary samy moto avokoa no nandratra.

D.R

- Publicité -
- Publicité Google Ads -
Suivez nous
299,440FansAimer
1,213AbonnéesSuivre
Articles qui pourraient vous intéresser

Guide du week-end

LAISSER UNE RÉPONSE

Veuillez saisir votre commentaire !
Veuillez entrer votre nom ici