- Publicité -
samedi 4 février 2023
DomicileFaits-DiversToamasina : Lasibatry  ny mpisoloky ireo trano fandraisam-bahiny lehibe

Toamasina : Lasibatry  ny mpisoloky ireo trano fandraisam-bahiny lehibe

Nirongatra ny fisolokiana avo lenta teto Toamasina tao ho ato izay, ka raha ny fanazavan’ny zandary dia ny tamba-jotra “airtel” no tena ampiasain’ireo mpanao izany fisolokiana avo lenta izany. Efa trano fandraisam-bahiny maromaro sy olon-tsotra maromaro no efa tratra momba izany araka ireo fitoriana sy fitarainana tonga eo anivon’ny zandary, amin’izao fotoana. Toy izao ny fomba fanaon’ireo mpisoloky avo lenta ireto mandritra izany: voalohany ao ireo milaza mahita “sera” na “bizina” na “afera” vatosoa na fampisamboram-bola haingana tsy misy zanany na vokatra hafa indrindra ireo vokatra fanondrana, dia no an-delemilemeny ny olona tiany ho fitahina ka raha manaiky ny fendresen-dahatrany ilay olona dia ahazoany vola an-tapitrisany amin’izay fotoana izay nefa ny vokatra tsy misy akory avy eo. Ny faharoa dia ny fampiasana mpivahiny maro be hiditra trano fandraisam-bahiny ary efa hanaovan’ny iray amin’ireo mpisoloky avo lenta famandrihana mialoha amina trano fandraisam-bahiny iray. Tampoka eo anefa, dia milaza fa misy olona (tra-doza, na simba fiara an-dàlana) ireo olona maro be hivahiny amina trano fandraisam-bahiny ireo. Eo no manomboka ny fisolokiana, satria maka vola an-tapitrisany amin’ilay tompona trano fandraisam-bahiny izy ireo hanavotana ireo olona tojo olona an-dàlana nefa tsy misy akory. Aorian’izany dia tsy hita izy ireo ary efa tsy mandeha intsony ny “puces” nampiasain’izy ireo nandritra izany. Tena tamba-jotra henjana ireo manao azy ity ary nomarihan’ny zandary nanome ny fanazavana, fa hatreto aloha dia ny tamba-jotra “Airtel” no tena lasibatra amin’izao fisolokiana avo lenta izao. Efa manjono moramora ireo anaty tamba-jotra ny zandary amin’izao amin’ireo fitaovana eo am-pelan-tanany, ka ho hita eo ny ho tohiny ao aoriana ao…

Malala Didier

- Publicité -
Suivez nous
311,259FansAimer
1,754AbonnéesSuivre
Articles qui pourraient vous intéresser

LAISSER UNE RÉPONSE

Veuillez saisir votre commentaire !
Veuillez entrer votre nom ici