- Publicité -
jeudi 11 août 2022
DomicileFaits-DiversValanaretina Coronavirus eto Toamasina : Salama tsara ilay zaza 09 volana miabo...

Valanaretina Coronavirus eto Toamasina : Salama tsara ilay zaza 09 volana miabo ny Covid-19

Namaly ilay resabe nilaza fa maty ilay zaza 09 volana miabon’ny Covid-19 tsaboina ao amin’ny hopitaly manara-penitra Morafeno Toamasina, omaly maraina, ny talen’ny fahasalamana Atsinanana Atoa Rakotoarimanana Raymond. Salama, tsy misy soritr’aretina ilay zaza 09 volana; izay tsaboina miaraka amin’ny rainy sy ny mamany ary ny renibeny izy amin’izany, satria miabo amin’ny Covid-19 koa ireo ray aman-dreniny ireo. Olana izao hoy ny talem-paritry ny fahasalamana Atsinanana, dia ny fanaraha-maso ireo olona nifanerasera tamin’ireo “cas contact” miabo eto Toamasina ireo. Ny hetsika maika sahanin’ny talem-paritry ny fahasalamana Atsinanana sy ny ekipan’ny hopitaly manara-panitra Morafeno Toamasina izao, dia ny fampiantranoana sy ny fisahanana ireo olona 13 vaovao miabo  eto Toamasina ireo, satria ireo 09 miabon’ny coronavirus ao Ambatovy dia eo anivon’ny toeram-pitsaboana ao amin’ity orinasa ity ihany  no tsaboina sy araha-maso. Ankoatra izany, dia velom-bolo ny CRO Atsinanana sy ny talem-paritry ny fahasalamana Atsinanana, fa hapetraka eto Toamasina aloha manomboka eto ilay fiara “fitiliana mobil” ampiasain’ny Institut Pasteur de Madagasikara anaovana ny PCR amin’ny Covid-19. Hanamora sy hanafaingana ny fitiliana ireo olona ahiana eto Toamasina ny fisian’izany manomboka izao.

Malala Didier

- Publicité -
Jovena
- Publicité -
- Publicité Google Ads -
Suivez nous
299,440FansAimer
1,213AbonnéesSuivre
Articles qui pourraient vous intéresser

LAISSER UNE RÉPONSE

Veuillez saisir votre commentaire !
Veuillez entrer votre nom ici