- Publicité -
mardi 6 décembre 2022
- Publicité -
DomicileFaits-DiversAndrononobe Ilafy : Nomen’ny fitsarana rariny ny manara-dalàna

Andrononobe Ilafy : Nomen’ny fitsarana rariny ny manara-dalàna

Nivoaka ny herinandro teo ny tahadika taratasim-pitsarana teny Anosy momba ny tany ifandroritana fianakaviana roa teny Andrononobe Ankadikely Ilafy. Nanome rariny an’Atoa Rakotonirina Jean Baptiste ny fitsarana tamin’ny famoahana io didy tahadika io, izay nananany taratsy mazava momba ny varotra laharana 22 ny 7 febroary 1991 sy ny laharana 87 ny 9 jolay 1992. Nanamafy io didy io fa azy ireo ny tany 5 ara eny an-toerana. Raha tsiahivina, niteraka disadisa teo an-tanana ny fakan’olona ny ampahan’io tany io. « Nifampiresaka izahay, ary nimpiseho taratasy ara-dalàna tamin’ireo olona mpifanolana taminay. Feno ny taratasy rehetra ara-dalàna, kanefa mbola nofaritany tany, ary nofefeny tamboho izany. Rehefa afa-nenina dia nitondra ny raharaha teny amin’ny fitsarana ny taona 2021. Ny alatsinainy teo vao nivaly izany », hoy ny fanazavan-dRakotonirina Jean Baptiste. Tsy misy intsony araka ny didy ny fiton-draharaha eny amin’ny fitsarana ary nampahafantarina ampahibemaso izany, ary afaka mampihatra ny didy avy hatrany ny nahazo rariny. Anisan’ny raharaha mitana ny lohalaharana eny amin’ny fitsarana ny ady tany. Ady anisan’ny lava indrindra ihany koa, ary mazana ahitana tsindry hazolena, kolikoly sns. Matetika izay manam-bola no mahita ny rariny, kanefa efa misy koa ny ezaka eo anivon’ny fitsarana sy ny ministera amin’ny fanatsarana ny raharaham-pitsarana momba ny ady tany.

Yv Sam

Suivez nous
311,259FansAimer
1,754AbonnéesSuivre
Articles qui pourraient vous intéresser

LAISSER UNE RÉPONSE

Veuillez saisir votre commentaire !
Veuillez entrer votre nom ici