- Publicité -
jeudi 1 décembre 2022
DomicileFaits-DiversAnalanjirofo : Tafapetraka soa aman-tsara ny biraon’ny « CROC »

Analanjirofo : Tafapetraka soa aman-tsara ny biraon’ny « CROC »

Ny Croc, na ny « Centre régionaux d’observation et communication », dia ivontoerana isam-paritra iray, natao hanangonana antontan-kevitra sy antontam-baovao avy eny ifotony, mankany amin’ny ministera foibe. Izany no natao dia mba hanafaingana kokoa ny fandrosoana eny ifotony, satria fantatra amin’alalan’ireo antontan-kevitra ireo izay tena ho laharam-pahamehana, ilain’ny vahoaka. Ny zoma lasa teo dia tafapetraka soa aman-tsara izany biraon’ny CROC izany tany amin’iny faritra Analanjirofo iny. Lanonana notronin’Atoa Goverinoran’ny faritra, ny Dr Randriamanantena Marcellin, niaraka tamin’ireo tomponandraiki-panjakana sy olo-manan-kaja isan-tsokajiny avy, sivily sy miaramila. Nandritra ny lanonana ihany koa dia nisy ny fanolorana fitaovana ho an’izany birao vaovao izany. « Table mixeurs » miisa sivy sy micro enina avy ho an’ireo « Delegue Communication et culture » miankina sy tsy miankina amin’ny fanjakana, solosaina miisa roa sy « table de bureau » ary « table de réunion » ary seza miisa 12 avy amin’ny MID, ary « motocross » iray no natolotry ny Ministera ho an’ny Faritra hampiasain’ny Plate-forme SRCA. Marihina fa ny Croc dia miara-miasa akaiky amin’ity vovonana SRCA ity, na ny serasera ho an’ny fiovam-pihetsiky ny fiaraha-monina, izay manana ny tanjona hamolavola ny fiarahamonina ho tompon’andraikitra eo amin’ny lafiny fampandrosoana. « Izao fisokafan’ny CROC izao no manosika ny faritra sy ny kominina hanana antontam-baovao azo antoka hanatsarana ny fanapahan-kevitra ho amin’ny fampandrosoana maharitra aty ifotony. Isaorana mandrakariva ny fitondram-panjakana tarihin’ny Filoham-pirenena Andry Rajoelina, mijery hatrany ireo paikady hampandrosoana ny faritra tsirairay eto Madagasikara », hoy ny fanazavana azo.

m.L

- Publicité -
Suivez nous
311,259FansAimer
1,754AbonnéesSuivre
Articles qui pourraient vous intéresser

LAISSER UNE RÉPONSE

Veuillez saisir votre commentaire !
Veuillez entrer votre nom ici