Trano iray no may lasa lavenona, afak’omaly hariva, tany Sakaraha. Raha ny fantatra dia mpivady samy mbola tanora no niady vokatry ny hasarotam-piarona diso tafahoatra, ny talata antoandro teo. Leo ny vono nihatra matetika taminy ramatoa ka nirintona nody tany amin’ny ray aman-dreniny niaraka tamin’ny entan-keliny sy ny zanany, ary tsy nety niverina tany an-tokantranony intsony, na dia nifona mafy aza rangahy vadiny, ary nilokaloka teo imason’ny fianakaviana ity farany fa tsy hikasi-tànana intsony. Tsy nety nody anefa ramatoa, ary nidrikina tamin’ny fanapahan-keviny, ka nody maina rangahy vadiny sady niakatr’afo. Rehefa tonga tany an-tranony izy dia niboboka toaka ary nodorany ny trano avy teo, ka hotohoton’ny afo tao avokoa ny entana rehetra. Naratra main’ny afo ihany koa ity raim-pianakaviana namoi fo nisaraham-badiny saika hamono tena, hoy ny vaovao.
Eric Manitrisa