#- Sambava. Tovovavikely niharan’ny fanolanana, nandoa vola 1,5 tapitrisa ariary ny mpanolana dia nilamina ny raharaha. Nilamina avy hatrany ny raharaha raha vao nandoa vola 1.500.000 ariary ny ray aman-drenin’ilay tovolahy “classe de 3ème” nanolana an’ity zazavavy 12 taona, “classe de 7ème” izay zanaka mpampianatra. Ny fiandohan’ity volana febroary ity, tao Lohanantsahabe, Kaominina ambanivohitra Ambodiampana no niharan’ny fanararaotana ara-nofo narahina herisetra nataon’ny mpianatra toa azy ihany ity ankizivavy hiatrika fanadinana CEPE amin’ny faran’ity taom-pianarana ity. Mba fitandroana ny fihavanana dia nifona ny ray aman-drenin’ilay tovolahy nanolana, ary nangataka 20 andro nitady vola roa tapitrisa ariary.
#- Mahabo. Roalahy namono tamin’ny fomba feno habibiana lehibena andrimasom-pokonolona “kalôny”, naiditra am-ponja vonjy maika. Rehefa avy nandalo ny mpitsara mpanao famotorana tao amin’ny tribonaly ao Morondava ny roalahy voasambotra izay namono nahafaty tamin’ny fomba feno habibiana lehibena “kalôny” andrimasom-pokonolona, ny 7 janoary lasa teo, tany amin’ny distrikan’i Mahabo, faritra Menabe, dia naiditra am-ponja vonjy maika ao amin’ny fonjaben’i Morondava ny zoma teo, miandry ny fotoam-pitsarana azy ny 9 martsa ho avy izao. Mbola karohina fatratra kosa hatramin’izao ny roalahy nitsoaka naman’ ireto malaso.
Eric Manitrisa
