Olona telo no voatifitra, ny iray teo amin’ny loha, ny roa teo amin’ny tongotra, nandritra ny fanafihan-dahalo tao amin’ny kaomina Manakambahiny-Andrefana ny faran’ny herinandro teo. Araka ny fampitam-baovao avy amin’ny zandarimariam-pirenena dia dahalo miisa 20 eo ho eo, nitondra « armes balanches » sy basy vita gasy, no nanafika tranon’olona roa samy hafa ary nitifitra avy hatrany ny tompon-trano vao nandroba. Vokany, lasa tamin’izany ny vola mitentina 269 000 ariary sy kojakoja tokantrano lafo vidy toy ny : televisiona « écrans plats » miisa 02, « panneau solaire » 01, « convertisseurs » 01 , ary « lecteur DVIX ». Ny borigadin’ny zandary ao Ambatondrazaka no misahana ny raharaha.
T.M.
