Mpiasa mpanadio sisin-dalana amin’ny RN2 iny no nahita taolam-paty tao anaty harona vita amin’ny penjy ny harivan’ny 08 aprily teo tao amin’ny kaomina Ambodiampaly, distrikan’i Brikaville. Rehefa nosavaina ity harona dia nahitana taolana miisa 46 : 06 taolan-dava, 21 taolam-pohy, 02 taolam-pisaka ary 17 ”cotes” taolan-tratra. Tsy mbola fantatra ny tompony sy ny nahavanona ny halatra. Saingy, rehefa nidina tany an-toerana ny manam-pahefana sy ny dokotera nanao ny fitsirihana, dia nasaina nalevin’ny fokonolona ireo taolana ireo.
Mirongatra indray tato ho ato ity halatra taolam-paty ity ary tsy any amin’ny Faritany ihany fa na eto andrenivohitra aza. Vao tsy ela akory izay no nandrenesana fahavakisana fasana tetsy amin’ny manodidina an’Ambohimanga raha tsy hilaza afa-tsy izay isika. Fa ny mahagaga aloha hatreto dia tsy fantatra marina ny tena ilana azy ity.
T.M.
