Vilany 20 tany ho any, no nisy nangalatra tao amin’ny tranona mpandraharaha sady mpahandro amin ‘ireny lanonana lehibe ireny . Vilany mitondra ny marika 60 sy 40 any avokoa ireo, ary tao anatin’ny trano fonenana iray no nangalaran’ireo jiolahy azy .Noho ny ezaky ny tsara sitrapo dia sarona ny mpanera izay saika hivarotra ireo vilany ireo, fa ilay atidoha nikotrika sy namaky ilay trano no afaka nandositra, hoy ny lehiben’ny polisy . Araka ny nambaran’ny lehiben’ny polisin’Ambatondrazaka, dia olona mbola misazy ao amin’ny fonjaben’Ambatondrazaka ilay namaky ny trano ka mbola karohina hatramin’izao, satria lasa nandositra .Tsy maintsy araha-maso ny tontolon’ny fandriampahalemana aty amin’ny faritra, hoy ny Kaomisera Rakotomavo Roger Henri lehiben’ny polisin’Ambatondrazaka ary miantso ny vahoaka hatrany hanome ny antotam-baovao ny mpitandro ny filaminana ,natolotra ny fampanoavana kosa ireo olona efatra mpiray tsikombakomba.
Janus R