Ramatoa iray 25 taona eo no miady mafy amin’ny fahafatesana ankehitriny ao amin’ny hopitaliben’ i Toliara. Raha ny fanazavana azo dia noloaram-badiny tamin’ny antsy maranitra ny voamason’ity renim-pianakaviana ity, afak’omaly, tany Ankililoaka Distrikan’ i Toliara II. Niady noho ny resa-bola sy hasarotam-piaro ireto mpivady tanora ny talata hariva teo, ka avy hatrany dia naka antsy lava lela ilay rangahy tezitra mafy, ary notsatohany ny zava-maranitra teny an-tanany tsy nananany antra ny andefimandriny. Nihevitra ity lehilahy ity fa maty ny vadiny izay nihosin-drà ka lasa nitsoaka izy, ary karohina fatratra amin’izao ilay nahavanon-doza, hoy ny vaovao voaray.
Eric Manitrisa
