Vao nilatsaka ny orana dia efa nahao-doza sahady. Namono olona indray ny varatra tamin’ny tapany afovoany atsimon’ny nosy iny. Ny harivan’ny talata teo tokony ho tamin’ny dimy ora sy sasany, telo mianaka no indray niara-namoy ny ainy nilatsaham-baratra tany Mahasoa, Distrikan’ Ihosy. Nikija dia nikija ny orana narahin-kotroka afak’omaly tany an-toerana. Araka ny tati-baovao voaray, dia olona efatra no tao an-trano tamin’io fotoana io, ka ny telo tamin’ireo mpianaka izay maty tsy tra-drano dia nitanina afo teo amorom-patana no tratrin’izao atambo izao. Tsy naninona kosa ilay tovolahy iray 16 taona voan’ny tazo natory teo an-joro firarazana. Raha ny fanatra dia nirefotra tampoka ny varatra ary nilatsaka tamin’ity tokantrano iray ity. Vokatry ny fandalovan’io varatra io, dia vaky tanteraka ny rindrina sy ny tolanam-baravaran’ny trano.
Eric Manitrisa
