Rehefa natolotra ny Fitsarana tao Antalaha afak’omaly ilay lehilahy voalaza fa mpandraharaha lavanila ao Sambava, voatondro ho nividy lavanila mialoha ny fotoana fisokafan’ny tsena, ary mbola nahatratrarana lavanila manta tsy matoy milanja eo amin’ny 250kg, dia nadoboka am-ponja vonjimaika. Noho ny fanomezam-baovao mari-pototra avy amin’ny olona tsara sitrapo, dia ny zoma 19 janoary lasa teo, raha tsiahivina, no voasambotry ny Zandary mpikaroka fandikan-dalàna tao amin’ny trano fonenany ao Antanifotsy II Sambava ity patiraon-davanila tanora ity, ary nopotehina sy nalevina kosa ireo lavanila tratra tao aminy.
Eric Manitrisa