Tsy mifidy asiana intsony ny malaso amin’izao. Tamin’ny farany herinandro iny, araka ny vaovao voaray avy any amin’ny distrikan’i Bekily, faritra Anosy, dia mpitsabo teratany vahiny ao amin’ny “ Médecins sans Frontière ” avy any ampitan-dranomasina namita iraka tany an-toerana no lasibatra. Nitondra fitaovana maro momba ny fitsaboana sy fanafody ary kojakoja isan-karazany izy ireo, ary natolony ho an’ny tobim-pitsaboana fototra, na “ Csb ”, tao an-toerana. Natahotra anefa ireto teratany vahiny ireto ka niala tao an-toerana, nefa akory ny hagagan’izy ireo tamin’ity herinandro ity raha ny tatitra azo, fa nisy nanodina ny entana ary tratra tao an-tranona mpitsabo iray. Na ny dahalo na ny tompon’andraiki-panjakana sasany dia samy mambotry vahoaka amin’izao, satria mihevitra ny any Androy ho toy ny tany lavitra Andriana, hoy ny fampitam-baovao. Manaitra ny tompon’andraikitra ao amin’ny ministeran’ny Fahasalamana, noho izany, ireo mponina, mba hampanao fanadihadiana ka handray fepetra amin’izao tranga izao.
Manitrisa