Fiara mpitatitra olona taxi-be mihazo an’Ankazobe iny indray no niharan-doza teny ambony atsimon’Ambohitromby, ny alatsinainy 16 aprily lasa teo. Raha ny fanazavana azo dia nandeha mafy loatra ilay fiara, tsy voatanan’ny mpamily intsony ny familiana ka lasa tany amin’ny tsy tokony ho nalehany. Vokany, mpandeha maro tsy voafaritra isa tao anaty fiara no naratra, ka nisy tena voa mafy mihitsy. Simba tanteraka ihany koa ny fiara. Nitangorona ny olona teo amin’ny manodidina raha nahita izany. Ilay mpamily kosa tsy nahasahy niala teo. Nalefa notsaboina any amin’ny hopitaly Ankazobe ireo olona naratra. Efa eo am-pelatanan’ny mpitandro ny filaminana ihany koa ny raharaha ary efa mandeha ny fanadihadiana sy ny famotorana an’ilay mpamily.
Ratantely