- Publicité -
mercredi, juillet 2, 2025
AccueilFaits-DiversMarovoay : Tovolahy mamon-drongony, nokapainy tamin’ny famaky ny lohan-drainy

Marovoay : Tovolahy mamon-drongony, nokapainy tamin’ny famaky ny lohan-drainy

Tsy mandeha amin’izay laoniny intsony ny rafi-piarahamonina misy, ka lasa tena mihabiby toetra ny olona sasany ankehitriny. Reny mamono zanaka, lehilahy mandatsak’aina vady andefimandriny, fa tovolahy iray tsy salama saina voalaza fa mamon-drongony kosa no namono nahafaty tamin’ny fomba feno habibiana ny rainy niteraka azy, tamin’ny alalan’ny kapa famaky teo amin’ny lohany, tany Ambovomavo Distrikan’i Marovoay. Maty teo no eo ity raim-pianakaviana nihosin-drà ity, ary mbola tavela teo an-dohany ny famaky namonoan-janany azy. Voasambotra ny nahavanon-doza, ary saika nodoran’olona velona tamin’ny kodiarana, kanefa nandrara izany fomba mamohetra izany ny olombe teo an-tanàna. Natolotra ny manam-pahefana ilay tovolahy nandatsaka ny ain-drainy, ary efa naiditra am-ponja vonjimaika amin’izao miandry ny fotoam-pitsarana azy. Raha ny fantatra araka ny tati-baovao voaray, dia hananan-janany vola telo arivo Ariary ity rainy. Nitaky izany ilay tovolahy kanefa nilaza ho tsy nanana ity raim-pianakaviana, ka rafitra ny ady sy fifamaliana teo amin’izy mianaka, ary rehefa natory antoandro naka aina teo am-pandriany ity lehilahy namoy ny ainy ity, dia nokapain-janany tamin’ny famaky.

Eric Manitrisa

Suivez nous
409,418FansJ'aime
10,821SuiveursSuivre
1,620AbonnésS'abonner
Articles qui pourraient vous intéresser

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici