Leom-boan’anana amin’ny firongatry ny asa ratsiny izay arahina vono olona hatrany, ny ankamaroan’ny mponina any amin’ny Faritra Sava, fa izay jiolahy na dahalo tra-tehaka, dia iharan’ny hatezeram-bahoaka hatrany. Taorian’ny fanafihan-dahalo nahafatesana olona iray, izay nitranga tao an-tanànan’i Befiana Fokontany Belambo any amin’ny Kaominina ambanivohitr’ Antsirabe Nord, Distrikan’i Vohémar, ny alin’ny fetim-pirenena 26 jona teo, tokony ho tamin’ny 11ora alina. Nandritra ny fanarahan-dia nikarohana an’ireo olon-dratsy, dia tra-tehaky ny Fokonolona mpanara-dia ny dahalo iray, ka maty niharan’ny fitsaram-bahoaka afak’omaly naraina tokony ho tamin’ny sivy ora, tao Befiana.
Eric Manitrisa
