Toy ny fanao isan-taoana dia tsy nanadino ny olona sahirana ny Fikamban’ny Renin-jaza Anglikana eto Antsirabe rehefa andron’ny asaramanitra. Ankaotra ny maha fikambanana azy, miorina eo ambany fahefan’ny fiangonana dia natao hanampy ny presbitera ny fikambanana. Isan’ny anto-pisiany ihany koa ny fanaovana asa soa sy asa sosialy eo amin’ny fiarahamonina. Tsy nanadino ireo sahirana ara-pivelomana ny fikambanana ka nizara fanomezana ilaina amin’ny fiainana andavanandro, toy ny fitafiana, vary , savony sy lelavola. Nizara roa ireo nisitraka izany dia ireo fianakaviana hita fa mila izany fanampiana izany ao amin’ny fiangonana, niampy ireo mahantra eny amoron-dalana tsy manan-kialofana. Manodidina ny 70 teo ho eo ireo olona nisitraka ny fanomezana nomen’ny fikambanan’ny Renin-jaza ao amin’ny Fiangonana Anglikana Santa Mikaely Antsirabe.
Andry N .
