- Publicité -
samedi, juillet 12, 2025
AccueilFaits-DiversSoavinandriana : Lehilahy maty notsatohan’ny dahalo lefona

Soavinandriana : Lehilahy maty notsatohan’ny dahalo lefona

Vono olona mahatsiravina no nitranga tao Tamponala, any amin’ny distrika Soavinandriana iny ny alin’ny zoma lasa teo. Tokatranona mpivady iray no notongavana dimy lahy nirongo zava-maranitra tamin’io alina raha mbola sondrian-tory iretsy voalohany. Tsy nisy alaharo alaharo teo fa avy hatrany no notsatohan’ireo olon-dratsy ny lefona ilay rangahy raha nokapain’izy ireo tamin’ny famaky kosa ramatoa vadiny. Vokany, nandriaka ny rà. Maty teo ho no eo ilay raim-pianakaviana, raha naratra mafy vokatry ny kapa famaky nahazo azy kosa ilay vehivavy. Nitsoaka avy hatrany ireo nahavanon-doza raha vao nahavita izany. Ary isan’ny nahagaga ny rehetra dia tsy nitondra na dia tapa-panjaitra akory aza tamin’ireo entana tao an-trano. Raha ny vinavinan’ireo mpanao fanadihadiana dia mety ho ankevitry ny hamono ireo olona ireto mihitsy no tetik’ireo olon-dratsy fa tsy hangalatra akory. Misokatra araka izany ny fanadihadiana ataon’ireo zandary any an-toerana. Efa nahazo ny fitsaboana sahaza azy kosa ilay ramatoa rehefa nentina novonjena teny amin’ny toeram-pitsaboana.

m.L 

Suivez nous
409,418FansJ'aime
10,821SuiveursSuivre
1,620AbonnésS'abonner
Articles qui pourraient vous intéresser

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici