Nivoaka ny trano ity raim-pianakaviana iray ny faran’ny herinandro teo, handoro biriky eny an-tanimbary no nivoahany kanjo tsy niverina intsony fa maty latsaka tao an-davadrano. Ny vinantovaviny handeha hatsaka maraina no nahita ny razana tao an-davadranon’ny fiangonana ao Manazary. Araky ny loharanom-baovao, dia avy namonjy ny diaben’ny antoko TIM tamin’ny fampielezan-kevitra izy ny zoma hariva, io hariva io ihany taorian’ny fisakafoana hariva dia nandeha handoro biriky ity raim-pianakaviana ity. Tokony ho tamin’ny 9 ora sy sasany alina anefa tsy mbola niverina ilay rangahy ary tsy nisy afo nirehitra teny an-tanimbary. Nihevitra ireto zanany, fa mety ho nisy dia hafa nalehan’ny rainy. Tokony ho tamin’ny 5 ora maraina anefa, raiktira ny kiririoka sy antso lava fa misy faty hitan’ny olona ao an-davadrano. Teo vao gina ireto zanany fa hay ilay rainy io hita faty tao io. Manodidina ny 50 taona eo ilay rangahy ary namela kamboty folo mianadahy.
Andry N.