Nitrangana fanafihan-dahalo nitam-piadiana mpanakan-dalana indray , tamin’ny RN25, ny alin’ny alarobia hifoha alakamisy, tokony ho tamin’ny 3ora sy 15 minitra, 2 km miala ao Vohiparara Ranomafana. Araka ny tati-baovao voaray, dia fiara taksiborosy efatra nanao « caravane », izay niainga avy eto an-dRenivohitra hihazo an’i Manakara no notafihana dahalo 50 lahy. Vokatry ny tifitra tora-bato, fiara telo no vaky fitaratra sy simba. Hatramin’ny nahatongavan’ireo mpandeha izay voalaza fa tsy nisy naratra tonga tao Manakara, dia mbola tsy nahazoam-baovao kosa hatreto ny mahakasika an’ilay taksiborosy fahefatra voasakana taraiky tany afara.
Eric Manitrisa
