Vokatry ny toetrandro ratsy mandalo, dia nirotsaka ny orana ary niakatra be ny ranomasina eto Morondava, vokatr’izany, dobo rano ny tanàna. Tsy mitsahatra ny manentana sy mametraka ny fepetra ho an’ireo mponina ireo tomponandraikitra mahefa any an-toerana, ka anisan’izany ireo mponina amin’ny toerana iva, mba hamonjy toerana avo. Noho ny fiakaran’ny ranomasina, dia rarana ihany koa ny mpanjono, mba hijanona an-tanety hisorohana ny loza mety hitrange. Tsy mianatra ny mpianatra rehetra eto amin’ny distrikan’i Morondava, na amin’ny sekolim-panjakana, na tsy miankina. Marihana, fa efa mivadika ho « dépréssion tropicale » ilay andro ratsy amin’ny lakan-dranon’i Mozambika, ka voakasik‘izany akaiky ny faritra Atsimo-andrefana, Androy sy Anosy
Anastase
