Nitrangana fanafihan-jiolahy nitam-piadiana indray tany amin’ny Kaominina ambanivohitry Kianjavato, Distrikan’i Mananjary, afak’omaly naraina, tokony tamin’ny roa ora, tao amin’ny Fokontany Ambodibonary, ka raim-pianakaviana iray mpanolotsain’ny Kaominina teo aloha no maty tsy tra-drano voatsindron’ antsy. Araka ny tati-baovao voaray, dia maty novonoin’olon-tsy fantatra ny 30 Jolay 2016 ny vadin’ity lehilahy namoy ny ainy, izay namela kamboty telo ity. Taorian’ny fidinana nataon’ny Zandary avy ao amin’ny Kaompanian’i Mananjary sy ny Borigady Antsenavolo tany an-toerana, dia efa misokatra ny fanadihadiana lalina ataon’ny mpitandro filaminana mikasika an’ity vono olona miendrika valifaty ity, ka ho hita eo ny tohin’ny raharaha.
Eric Manitrisa