Notsaraina ny 29 aogositra teo anivon’ny fitsaràna ady heloka be vava Toamasina, ilay raharaha fikasàna hamono ny mpanakanto Rah-Ckiky. Ny didy dia 15 taona an-tranomazina asa an-terivozona miaraka amin’ny didy fampisamborana ho an’i Barivelo Romain izay nitsoaka nandritry ny nahazoany famotsorana vonjimaika. Ny oktobra 2017 tamin’ny telo maraina no nisy nanafika tao Tsarahonenana-Betainaomby i Rah-Ckiky. Sady nangalatra no namono ireo olona. Feno dian’antsy ny tompon-trano ary mba avotra ihany taorian’ny fitsaboana. Raha ny marina izany araka ny teo anivon’ny fitsarana ihany dia valifatin’ingahy Romain tamin-dRah-Ckiky no anton’izao zava-drehetra izao, saingy ireo naman’i Romain roa lahy no mifonja sy manao asa an-terivozona 15 taona. I Romain izay tena atidoha nikotrika ny fikasàna hamono olona kosa anefa dia tafatsoaka taorian’ny fahazoany fahafahana fonjimaika tamin’ny fitsaràna teto Toamasina.
Malala Didier