Noho ny olana mekanika tapaka hisatra, dia fiara « 404 bâché » iray nitondra razana ramatoa maty no tra-doza teny an-dàlana, tao amin’ny PK8, tany Sahasinaka Distrikan’i Manakara, afak’omaly. Raha ny vaovao voaray, dia tsy voafehin’ny mpamily intsony ny familiana ny fiara nentiny rehefa nitranga io olona mekanika io, ka nandika tatatra ilay fiara, ary nifatratra tany anaty kirihitra. Vokany : olona mpandeha enina izay fianakaviana niaraka tamin’ny faty tao anaty fiara no naratra mafy, ka ny telo tamin’ireo tra-doza no mbola miady amin’ny fahafatesana amin’izao. Nahitana fahasimbana goavana kosa ity fiara izay nifatratra tamoron-kady.
Eric Manitrisa