Nitrangan’ny fitsaram-bahoaka indray tany amin’ny distrikan’i Mahanoro, afak’omaly. Lehilahy iray voalaza fa mpamosavy nikoizana efa hatry ny ela, izay namono ny namany niara-nisotro toaka taminy, no maty novonoin’ny fokonolona, tao amin’ny fokontany Ambodiharina. Raha ny vaovao voaray, dia fanapoizinana tamin’ny alalan’ny fanafody gasy mahery vaika no namonon-dR. an’ity namany niara-nirevy taminy. Raha vao fantatry ny havany fa maty ity raim-pianakaviana, dia nosamborina avy hatrany ilay voatondro molotra fa namono azy. Naseho ny mpiara-monina, ary niharan’ny hatezeram-bahoaka avy eo, ka namoy ny ainy ihany koa ity lehilahy voalaza ho mpamosavy, ary saika nodoran’olona ny fatiny, saingy niangavy mafy ny fianakaviany.
Eric Manitrisa
