Taorian’ny fanafihana nitam-piadiana narahina vono olona nitranga tao amin’ny Fokontany Andakoro, Kaominina ambanivohitra Marojala, any amin’ny Distrikan’i Sambava, izay nahafatesana olona roa tsy manan-tsiny sy naharatrana olona roa hafa, ny herinandro iny, ka rehefa nokarohina fatratra natao hazalambo ireo olon-dratsy, dia voasambotry ny zandary ny alatsinainy teo ny efa-dahy tamin’ireo jiolahy. Raha ny nambaran’ny Kaomandin’ny Kaompanian’ny Zandarimaria Sambava, ny Kapiteny Mahavorisoa Emilien, nitafa tamin’ny mpanao gazety, 55 taona no zokiny indrindra amin’ireto olon-dratsy, izay hatolotra ny Fitsarana tsy ho ela, raha mbola mitohy hatrany kosa ny fikarohana ny naman’ireto jiolahy mbola miriaria any rehetra any.
Eric Manitrisa
