Noho ny hetraketraky ny tsy nahataho-tody, maty nisy namono tamin’ny fomba feno habibiana, ny alin’ny zoma hifoha ny asabotsy teo, tokony ho tamin’ny iray ora maraina, ny Sefom-pokontanin’ Anaviavy, any amin’ny Kaominina ambanivohitra Etrotroka, Distrikan’i Farafangana. Raha ny vaovao voaray, notapahin’ny olon-dratsy ny lohan’ity olom-boatendry ity, ary tsy mbola hita hatramin’izao na dia efa nokarohina fatratra aza. Araka ny fomban-tany any an-toerana moa, tsy afaka nalevina tany amin’ny fasan-drazana ny razana tsy misy loha, ka voatery nanonkana toerana « anirotra » nandevenana azy ny fianakaviany, afak’omaly. Araka ny vaovao voaray hatrany, hita tavela teo amin’ny toerana namonoana an’ity Sefo Fokontany ity ny famaky iray izay fitaovana nampiasan’ny olon-dratsy niampy kapa « kyranil ». Hatreto, mbola tsy fantatra ny ireo nahavanon-doza izay mbola karohina fatratra hatramin’izao.
Eric Manitrisa