Nitrangana loza nahavalalanina ny maro tao an-tanànan’ Ankiakabe, Fokontany Ankiririky Avaratra I, ao an-tampon-tanànan’Antsohihy, renivohitry ny Faritra Sofia, ny narainan’ny alahady teo, tokony ho tamin’ny efatra ora. Tranona vaviantitra iray 70 taona no nisy nandoro, ka may kila forehitry ny afo tao tamin’izany ny : lelavola mitentina enina tapitrisa ariary, vary telo gony, « salon », fahitalavitra roa, . . . niampy entana saro-bidy hafa. « Mbola natory teo am-pandriana aho no nahatsapa hafanana be teo amin’ny tahezako. Tampoka nitodika aho havazana be no hitako, ka niantso vonjy tamin’ny Fokonolona izaho », hoy ilay vavy antitra nitantara ny zava-nisy. Talohan’izao fahamaizana izao, raha ny vaovao voaray hatrany, dia nisy namaky natetika ny tranon’ity ramatoabe ity, ary very tamin’izany ny akoho amam-borony sy vilany tsy latsaky ny folo. Araka ny fanadihadiana nataon’ny mpitandro filaminana, dia afo nampidirin’ny ireo tsy mataho-tody avy ao anaty trano no niandohan’ny firehetana, ary tanjon’ny olon-dratsy ny hamono an’ity vavy antitra ity.
Eric Manitrisa