Ny alahady 31 mey 2020 vao maraina be dia nahitana fatin’olona mihosin-dra tao an-tsena Ambatonandriana Fandriana. Teo akaikin’ny Tranobe. Avy hatrany dia tonga teo an-toerana ny Ben’ny Tanànan’i Fandriana, ny mpitandro ny filaminana, ny dokotera mpitsabo. Araka ny fijerena nataon’ny mpitsabo dia fahaverezan-dra be lôtra vokatry ny tsatoka zava-maranitra teo amin’ny vatany no nahafaty ity tovolahy ity, izay mponina eo amin’ny fokontany Ambohidralamanga. Tsy lavitra ny toerana nahitana ny razana dia nisy ihany koa ny fahavakisana toeram-pivarotana miisa 2 ny alin’io ihany. Misokatra ny fanadihadiana ataon’ny mpitandro ny filaminana eto an-toerana manoloana izao toe-javatra izao ary ny razana kosa dia efa noraisin’ny fianakaviana.
Anastase