Omaly ireo olona telo no natolotra ny fitsaràna. Nanomboka tamin’ity vaninandro fihibohana noho ny fepetra ara-pahasalamana ity no nitatra ny sain’ireo olona ary nanao tolotra tamin’ny tambajotra sosialy fa mahavita mikarakara taratasim-piara izay mivoaka avy eo amin’ny sampan-draharaham-panjakana miandraikitra an’izany. Hitan’ny « Centre Immatriculateur » izany ary nisy ny fitoriana napetraky ny lehiben’io sampana io. Natao ary ny fomba rehetra hahafantarana ireo olona ary dia
voasambotra ireo olona telo. « Nandritra ny fisavàna trano teny Ambohitrakely no nahitana ireo taratasy misy fitombokase hosoka miaraka amin’ny antontan-taratasy marobe an’ireo olona izay liana tamin’ilay tolotra », raha araka ny tatitry ny polisy misahana ny ady amin’ny heloka atao amin’ny tranokalam-pifandraisana. Nidoboka am-ponja eny Antanimora avokoa ireo olona telo rehefa nandalo tao amin’ny fampanoavana omaly.
D.R
