Mirongatra ny tsy fandriam-pahalemana ao Betafo, tato ho ato izay. Nisesisesy ny vaky trano sy hala-botry, eny fa hatramin’ny sinto-mahery sy ny fanendahana dia lasa mahazo vahana. Maro ny tokantrano no efa lasibatr’izany ka velon-taraina. Tsy mipetra-potsiny anefa ny mpitadro filaminana fa manao izay ho afany ihany, saingy tsy kely làlana ny ratsy. Roa lahy no saron’ny polisim-pirenena ao Betafo, ny 7 Septambra lasa teo. Voalaza fa nagalatra vary 9 gony tao Imerimandroso fokontany Avaratsena. Fantatra fa mpamerin-keloka ny iray amin’izy ireo, matetika no miakatra fitsarana amina resaka vaky trano, saingy rehefa nahefa ny saziny tany am-ponja dia io mamerina io hatrany. Natolotra ny fampanoavana indray izany ingahy rainy sy ny namany ary mazava fa hiditra am-ponja. Miantso ny fiaraha-miasa amin’ny vahoaka ny mpitandro filaminana ao Betafo mba hampandre sy hilaza raha misy ahiahiana mahakasika ny tsy fandriam-pahalemana, fa hotazomina ho tsiambaratelo izany. Araky ny fanazavana, dia sahirana ny olona, maro no very asa noho ny valanaretina covid19 ka nampirongatra ny tsy fandriampahalemana.
Andry N.
