Naterin’ny olona tao amin’ny Centre Vonjy Befelatanana ny zazalahy iray vao 14 taona omaly antoandro, izay voalaza fa voaolana. Vao tonga tao an-toerana anefa izy io dia nindaosin’ny fahafatesana. Araka ny fanazavana azo, natao ny fanamarinana ary nahitana izay diana fanolanana izay tokoa ilay zazalahy. Tsy nisy nahafanatatra izy io, ary natao ny fanaparitahana ny mombamomba azy omaly ihany, niantsoana ny fianakaviany. Toe-javatra izay mahazo vahana teto amintsika tao anatin’ny fotoana fohy ny fanolanana, raha tsy hilaza afa-tsy ilay tovolahy tratra tamin’ny alalan’ny tambajotra sosialy farany teo. Efa any Tsiafahy tazonina vonjimaika izy io, miandry ny fitsarana azy. Manentana ny rehetra hatrany ny mpitandro filaminana mba hitoroka raha misy ny trangana fanolanana na fanararaotana ara-nofo mahazo ny ankizy. Efa misy ny sampana miady amin’izany eo anivin’ny mpitandro filaminana, sy ny Unicef.
Yv Sam
