Havaozina sy asiam-panamboarana avokoa ireo takelaka na « panneaux de signalisation » eto amin’ny tanan’Antsirabe ambonivohitra. Izany no hatao mba hampirindra sy hampilamina ny fifamoivoizana ary indrindra hialana amin’ny loza mety hitranga. Tsikaritra tokoa fa saika efa simba avokoa izy ireny. Niroso tamin’ny fanaovan-tsonia ny fiaraha miasa ny kaominina Antsirabe ambonivohitra izay nifanaovan’ny ben’ny tanana sy ny tale jeneralin’ny orinasa Holcim. Nanolotra simenitra 24 taonina ny Holcim hanavaozana sy hanamboarana « panneaux de signalisation » miisa 287 apetraka eny amin’ny lalana. Ny kaominina no hanamboatra ny takelaka raha ny Holcim no niantoka ny semenitra. Fantatra fa hatomboka amin’ity tapaky ny volana desambra ny asa. Antenaina hoy ny ben’ny tanana fa hanao toy izao nataon’ny Holcim izao ireo orinasa sasany mba hisian’ny fampandrosoana haingana.
Andry N.
