Rehefa nandrasana fatratra nandritra ny andro maromaro, dia nivoaka afak’omaly ihany ny valim-panadinana bakalorea ho an’ny faritanin’i Toliara, ka nahatratra 55% ny taham-pahafahana tamin’ity taona ity, raha 41% izany tamin’ny taon-dasa. Amin’ireo distrika miisa 21 mandrafitra ny faritanin’i Toliara, dia ny distrikan’i Betroka no distrika lohalaharana sy mendrika indrindra, satria nahatratra 83% ny taham-pahafahana tao amin’ity distrika mbola faritra mena amin’ny asan-dahalo ity. Raha tsiahivina dia mpiadina voasoratra anarana miisa 20 401 no niatrika fanadinana bakalorea tamin’ity taona ity.
Nahoda
