Omaly tokony ho tamin’ny telo ora tolakandro no niseho ny lozam-pifamoivoizana. Samy potika ny fiara roa izay nifandona. Ny andaniny, fiara kely marika peugeot 206. Ny ankilany, fiara taxi-be marika Sprinter. Raha araka ny fanazavan’ny olona teo an-toerana dia nisongona ny fiara teo anoloany ilay fiara kely kinanjo nifatratra tany amin’ilay fiara fitateram-bahoaka. Mafy ny fifandonana kanefa soa fa mba tsy nisy ny aina nafoy. Ny fiara no samy potika tanteraka ny lohany. Lala-mahitsy ilay nitrangan’ny loza kanefa koa ifamezivezen’ny fiara lehibe, ny kamiao sy ny mpitatitra isan-karazany. Matetika itrangan’ny loza eo an-toerana ary noho ny fisongonana hatrany no tena anton’ny olana.
D.R
