- Tsy misy fokontany na iray aza tsy nahitana rano teto Toamasina tao anatin’ny fandalovan’ny
- rambon’ny rivodoza “Dumako” teto Toamasina. Mandra-maraina dia tsy nitsahatra nijojo ny
- orana teto, ka tsy nitsahatra namonjy ireo niantso vonjy taminy ireo mpamonjy
- voina ao amin’ny kaominina ny tontolo alina.
- Nandritra ilay oram-be nentin’ny rivodoza “Dumako” dia feno rano avokoa ny Tanàna maro
- teto Toamasina, izany ny fokontany: Mangarano, Andranomadio, Ambohijafy,
- Ambalamanasy, Antseranampasika, Salazamay, Ankirihiry, Tanambao V, Tanamakoa,
- Valpinson, Ambolomadinika, Mangarivotra, “gare routière”, Dépot,…bazarikely. Afaka
- mitoetra eo anivon’ny “site d’hebergement” ireo traboina vokatry ny fiakaran’ny rano ireo, ka
- olona maro no efa nandeha teo anivon’ny “gymnase” CRJS. Ankilan’izany dia fantatra ihany
- koa izao araka ny loharom-baovao avy amin’ny Jirama, fa tapaka ny tetezana mampitohy ny
- “central Volobe” sy Toamasina II vokatry ny fiakaran’ny rano tany an-toerana, midika izany
- fa tsy afaka mifandray amin’ny manodidina azy ireo mpiasa any an-toerana. Ankilan’izany
- dia miditra amin’ny fanavotana ireo vahoaka dibo-drano tao Toamasina II ny lehiben’ny
- distrika sy ny BNGRC ao an-toerana, tao amin’ny fokontany Ambodisaina no nanaovana
- izany omaly tontolo niaraka tamin’ny lakan’ny Bngrc. Tsy tao ihany no nahitana fiakaran’ny
- rano fa tao amin’ireo kaominina maro ao Toamasina II ihany koa, ka eo am-pamonjena
- azy ireo ny fanjakana amin’ny alalan’ny lehiben’ny distrika sy ny sampan’ny Bngrc.
- Ankoatra izany dia niakatra ihany koa ny rano ao amin’ireo distrika maro tao Analanjirofo tao,
- isan’izany ny tao Soanierana Ivongo sy tao Fenerivo atsinanana ary tao Vavatenina. Maro ny
- traboina vokatra izany noho ireo vahoaka dibo-drano noho ny orana sy fiakaran’ny renirano.
- Malala Didier
Rivodoza “Dumako” : Dibo-drano ny fokontany maro tao Toamasina
Articles qui pourraient vous intéresser