Miaramila roa no fantatra fa tazonina vonjimaika am-ponja any Antsirabe tamin’ny faran’ny herinandro lasa teo. Ny vaovao voaray no nahafantarana fa niaraka tamina mpandroaka omby avy any amin’ny faritra Atsimo ireto miaramila ireo. Rehefa teo Antsirabe, nisy ny fisavana nataon’ny polisy any an-toerana. Tamin’izany no nahitana taratasin’omby voalaza fa tsy ara-dàlana ary nampiahiahy ireo mpisava, tany amin’ireto voarohirohy ireto. Nisy vola 5 tapitrisa ariary koa tany amin’izy ireo. Tsy maintsy natao ny famotorana. Rehefa vita izany dia natolotra ny fitsarana izy ireo ary dia izao nalefa any am-ponja izao. Na izany aza dia mitohy hatrany ny fanadihadiana ahafantarana na nahazo alalana tamin’ny lehibeny izy ireo tamin’ity raharaha ity na tsia.
nangonin’i r.s.