Raha jerena ivelany dia fivarotana hani-masaka no hita. Rehefa nosavaina anefa dia feno rongony ao ambany latabatra. Izay no hitan’ny zandary tao aminny fivarotana iray tetsy Belambanana-Andoharanofotsy. Nisy olon-tsotra nahatsikaritra izany ary nampita moramora ny vaovao tany amin’ny zandary. Natao ny fitsirihina ary hita avokoa ny fomba famarotana ilay rongony. « Mody mividy sakafo ny mpanjifa ny rongony kanefa avy eo tsy famerim-bola no raisiny fa zavatra lavalava mifono taratasy. Zava-mahadomelina avokoa no ao anatiny rehefa nosavaina » raha araka ny fanazavan’ny zandary. Teo ihany dia natao ny fisamborana ireo olona roa mpivarotra ary nahitàna fonosana miisa roapolo teo amin’ilay toerana.
D.R
