Vao maraina, omaly mbola mangiran-dratsy, dia efa nisy feom-basy nanakoako. Rehefa nijery ny olona teo amin’ny manodidina dia olona efa tsy nisy aina intsony noho ny tifitra nahazo azy no hita teo an-toerana. Matahotra hatrany ny olona satria tena maizina ny tanàna noho ny tsy fisian’ny andrin-jiro mirehitra eny amin’ny manodidina ny kartie antsoina hoe Paraky. Efa betsaka izay voaambana basy teo izay ary voaendaka na voatifitra. Nisy fotoana efa nidinan’ny mpitandro ny filaminana teny an-toerana ary noraofina avokoa ireo mirenireny tsy misy atao mandany andro eny amin’ny toeram-pilokana isan-karazany. Nisy fiantraikany tsara tamin’ny fiaraha-monina izany raha ny fanazavan’ny olona iray mipetraka eny an-toerana. Ankehitriny dia na ny olona izay mandeha mitsena ireo mpiasa alina aza dia mbola voaendaka koa.
D.R
