# Olona roa izay tsy mbola misy ampy taona no noasmborin’ny pôlisy nandritra ny krismasy teo, tetsy Soarano. Nanao fanamiana sivily ireo mpitandro ny filaminana ary nifangaro tamin’ireo mpandeha an-tongotra marobe. Teo no nahitan’ireo ny olon-dratsy izay nanararaotra ny mpiantsena natao lasibatra amin’ny harom-paosy. Tezitra ny olona ary saika hovonoin’izy ireo ireo tsy ampy taona raha tsy ny pôlisy no nitondra haingana ireo olon-dratsy tany amin’ny biraony.
# Ny mpivavaka no natao lasibatra tamin’ny fanendahana nandritra ny krismasy. Ireo izay nandeha an-tongotra rehefa avy namonjy fiangonana no tena maro voaendaka nandritra ny fiandrasana ny fetin’ny mpamonjy. Raha ny fantatra dia ireo vehivavy renim-piankaviana no tena maro lasibatra tamin’izany…
D.R
# – Analakely. Lehilahy iray narary an-dalana. Lehilahy iray, ireny tsy manana trano ireny, no nalain’ny mpamonjy voina avy ao Tsaralalàna, omaly tetsy Analakely. Hita ho reraka be ity olona ity ary nalemilemy. Tsy fantatra marina izay nahazo azy na noho ny tsy fahampian-tsakafo na ahona. Nentina haingana tany amin’ny hopitaly Befelatanana izy.
r.s.
