Anisan’ny tena voamarina tokoa ny tsy fanaran-dalana misy ataon’ireo mpamily fiara vaventy na mpamily fiara taksiborosy, mampitohy an’Antafia sy Mahazomà, ary Kandreho, amin’ny alalan’ny taingibe, eo ihany koa ny fiara efa tsy tokony hiasa mbola hampiasaina, fiara efa natokona hitanterana entana, hafatrarana hitondrana olona hatrany, etsy an-daniny tsy fanana antontan-taratasy ny mpamily sy ny fiara, ny lalana raha teo efa tsy hay horesahina amin’ny tsy fandraisana an-draikitra ataon’ny mpitondra amin’ny haratsian-dalana. Ny angom-vaovao hatrany no nahalalana fa ny talata faha-17 septambra taona 2024 teo, tokony tamin’ny 11 ora sy sasany alina tany ho any dia nahatratra fiara lehibe na ( kamiao ) fitaterana entana mitondra ny laharana: 9141 TAU, izay mampitohy Antafia-Kandreho, ato anatin’ny faritra Betsiboka, nitondra olona 22 , sady mandeha tsy misy fitaratra eo anoloana: Pare-brise. Rehefa nanao fizavana ny taratasy ny fiara, ireo Zandary ao amin’ny Poste fixe Mahazomà dia tsy nahitana antontan-taratasy iray makasika ny fiara sy ny mpamily. Taorian’izay dia nanam-pakevitra ny hampidirana ny fiara ambala-pamonjana ny mpitandro ny filaminana, raha nanfindra fiara taksiborosy ireo olona sy ny entana.
Ratantely
