Rongony manodidina ny dimy gony izay milanja teo amin’ny 63 kilao teo ho eo no sarona tao an-tranon’i Beloha, tetsy amin’ny fokontany Fiakarana ao amin’ny kaominina Ambohitrimanjaka, ny faran’ny herinandro teo. Nogiazana avy hatrany ireo zava-mahadomelina ireto ary nentina natao famotorana kosa ingahy, izay voarohirohy noho ny resaka fitazomana sy fivarotana rongony. Raha ny fampitam-baovao azo dia niainga tamin’ny fisafoana nataon’ireo zandary teny an-toerana no nahafahana nisambotra anni Beloha. Tao anatin’io fisafoana io mantsy no nahatratrarana lehilahy iray, mbola teo am-pakana fafiny, nifoka izany zava-mahadomelina izany. Nosamborina avy hatrany ilehio ary natao famotorana. Niaiky sy nibaboka ingahy ary nilaza fa hanoro ny olona nividianany ny “entana”. “I 𝐁𝐞𝐥𝐨𝐡𝐚, no tompon’ireo rongony ireo, izay tratra tao an-tranony niaraka tamin’ireo Zava -mahadomelina. Nosamborina mazava ho azy i 𝐁𝐞𝐥𝐨𝐡𝐚, satria ireo tanora no tena anaparitahany ireto rongony ireto” raha ny vaovao. Notanana natao andrimaso ho famotoran izy roalahy ireto miandry ny fanolorana azy eny amin’ny Fampanoavana.
m.L
